আমাৰ লক্ষ্য আৰু উদ্দেশ্যসমূহ-
- পুৰণি পূৰাতাত্ত্বিক স্থান, স্মৃতিসৌধ, ঐতিহাসিক আৰু পূৰাতাত্ত্বিক ভগ্নাৱশেষসমূহ, যিবিলাক এশ বছৰতকৈ কম দিনৰ নহয়, সেইবিলাক সম্পদৰ সুৰক্ষা, সংৰক্ষ আৰু উন্নয়ন সাধন কৰি অসমত পৰ্য্যটকক আকৰ্ষণ কৰা।
- এতিয়ালৈ অজ্ঞাত হৈ থকা পূৰাতাত্ত্বিক স্থানসমূহৰ , ভগ্নাৱশেষসমূহৰ জৰীপ আৰু উদঘাটন।
- উদঘাটন হোৱা ঠাইত পূৰাতাত্ত্বিক খনন কাৰ্য্য।
- পূৰাতাত্ত্বিক স্থান আৰু পূৰাতাত্ত্বিক স্থানত খনন কাৰ্য্যত পোৱা পৌৰাণিক সামগ্ৰীসমূহ নথিভুক্ত কৰা।
- ৰাজ্যৰ সংৰক্ষিত পূৰাতাত্ত্বিক স্থান আৰু সৌধসমূহৰ সংৰক্ষণ আৰু পুনৰস্থাপন।
- পূৰাতাত্ত্বিক স্থানৰ উদঘাটন, খনন আৰু সংৰক্ষণ বিষয়ক পূৰাতাত্ত্বিক প্ৰতিবেদন প্ৰকাশ কৰা। বাৰ্ষিক প্ৰতিবেদন সংবাদ, পুস্তিকা, প্ৰচাৰ পত্ৰিকা আদি পূৰাতত্ত্ব আৰু পৌৰাণিক সম্পদৰ ওপৰত প্ৰচাৰ কৰা।
- অসমৰ সাংস্কৃতিক সম্পদসমূহ সংৰক্ষণত ছাত্ৰৰ ভূমিকা আঁচনিৰ অধীনত পূৰাতাত্ত্বিক স্থান আৰু স্মৃতিসৌধসমূহ পৰিচৰ্য্যা, সুব্যৱস্থাত ৰখা আৰু সৌন্দৰ্য্যবৰ্দ্ধন কাৰ্য্যত ছাত্ৰ-ছাত্ৰীক সংপৃ্ক্ত কৰা।
- “পৌৰাণিক আৰু শিল্প কলা সম্পদসমূহৰ প্ৰয়োগ আইন, ১৯৭২” অনুসৰি পৌৰাণিক সম্পদসমূহ পঞ্জীয়ন কৰা।
- অসমৰ বিভিন্ন সত্ৰসমূহক ৰক্ষণাবেক্ষণ, সংৰক্ষণ আৰু উন্নয়ন দিয়া।
